د یوې میاشتې په اوږدو کې د عدلیې وزارت لخوا د ۷۰۴۱ رسمي سندونو د ژباړې تصدیق
د عدليې وزارت د قانون جوړونې عمومي ریاست د تقنیني سندونو د ژباړې او رسمي سندونو د تصدیق ریاست د روان ۱۴۰۴ ه.ش کال د ثور (غويي) میاشتې په ترڅ کې د ۷۰۴۱ رسمي سندونو ژباړې یې تصدیق کړي دي.
له دغو تصدیق شويو سندونو څخه ۵۵۰۰ سندونه په کابل کې، ۳۶۶ سندونه په بلخ، ۳۰۶ سندونه په کندز، ۲۳۳ سندونه په ننګرهار، ۲۶۹ سندونه په هرات، ۱۵۴ سندونه په خوست او ۲۱۳ نور سندونه په نیمروز، بدخشان، کندهار او پکتيا ولایتونو کې تصدیق شوي دي.
په تصدیق شويو سندونو کې تذکرې، نکاح خط، زېږون کارت، تحصیلي سندونه، د ناروغۍ تصديق، د محکمو وروستۍ پرېکړې او نور سندونو شامل دي.
