د ګرشک ولسوالۍ د موټر له پلورنځیو څخه د هلمند ولایت د عدلیې ریاست د هیئت لیدنه
د هلمند ولایت د عدلیې رییس مولوي محمد محمدي د لارښوونې پر اساس د جمادي الاول میاشت په ۲۳ نېټه د شنبې په ورځ ددغه ولایت د ګرشک ولسوالۍ د موټر له پلورنځیو څخه نظارت او لیدنه وشوه.
دغه لیدنه د هلمند ولایت د عدلیې ریاست د انسجام مدیر مولوي عبدالاحد مظهري او د هغه مل پلاوي لخوا، ترسره شوه.
په دغې لیدنه کې، د یادې ولسوالۍ د موټر پلورنځیو د فعالیت جوازونه بررسي شول او د هغو موټر پلورنځیو مالکانو ته چې د جواز موده یې پوره شوې وه، لارښوونه وشوه چې ژر تر ژره د خپل جواز د تمدید له پاره اقدام وکړي.
د معاملو د لارښوونو او موټر پلورنځیو څخه د نظارت پروسه په دغه ولایت کې دوام لري او ددغه ولایت په نورو ولسوالیو کې به هم د موټر له پلورنځیو څخه نظارت ترسر شي.
