د کنړ ولایت له یو شمېر اوسیدونکو سره د یاد ولایت د ځمکو د غصب د مخنیوي د تخنیکي هیئت کتنه
د کنړ ولایت د ځمکو د غصب د مخنیوي تخنیکي هیئت د ذوالقعدې د میاشتې په ۱۵ نېټه د یکشنبې په ورځ د یاد ولایت د مرکز اړوند لچیګلۍ ساحې له اوسیدونکو سره وکتل .
په دغې کتنه کې، یاد شویو اوسیدونکو وویل چې د کادستر په ۸۶۴ امارتي ټوټه کې، د هغوی ۴۳ جریبه شخصي ځمکه شامله ده خو د کادستر ټیم د هغوی ځمکه لږه مشخصه کړې ده. هغوی د خپل سندونه د بررسۍ او ساحه کې د تطبیق غوښتونکي شول.
تخنیکي هیئت ټینګار وکړ چې د امارت پالیسي حقدار ته حق رسول او د امارتي املاکو له غصب څخه مخنیوی ده او یادو شویو اوسیدونکو ته يې دغې برخه کې ډاډ ورکړ چې د هغوی سندونه به په دقیق ډول بررسي شي.
د کادستر مسؤل د یادې ساحې کادستري معلومات له هغوی سره شریک کړل او پریکړه وشوه چې په راتلونکو غونډو کې موضوع حل او فصل شي.
تخنیکي هیئت له یو بل شخص سره چې د کادستر په ۷۷۵ امارتي ټوټې کې د شخصي ملکیت ادعا درلودله هم وکتل او نوموړی د خپل سندونو د بررسۍ غوښتونکی شو.
