د کندز ولایت د ځمکو له غصب څخه د مخنيوي د تخنيکي هئیت ناسته جوړیدل
د کندز ولايت د ځمکو له غصب څخه د مخنيوي د تخنيکي هئیت ناسته د محرم الحرام د مياشتې په ۲۹ مه نېټه د یکشنبې په ورځ د هئیت د رييس او غړو په شتون کې جوړه شوه.
په دې غونډه کې د دغه ولايت په بېلابېلو سيمو کې د ١٩٣ جريبه ځمکې د غصب په اړه يو شمېر دوسيې بررسي او تر بحث لاندې ونيول شوې او پرېکړه وشوه چې يادې دوسيې دې د وروستنۍ پرېکړې لپاره مرکزي کمېسيون ته ولېږل شي.
همدارنګه یاد هيئت د کندز مرکز اړوند درېمې ناحیې په کوټه ګرد ساحه کې په څلور جريبه ځمکه کې د خپلسرو تصرفاتو مخه ونيوله او پرېکړه یې وکړه، چې د دې سيمې راپور تر بشپړېدو وروسته د وروستنۍ پرېکړې لپاره مرکزي کمېسيون ته ولېږي.
