د کندز ولایت د ځمکو د غصب د مخنیوي د تخنیکي هیئت دناستې جوړیدل
د کندز ولایت د ځمکو غصب د مخنیوي د تخنیکي هیئت ناسته د شوال میاشت په ۱۱ نېټه د دوشنبې په ورځ د یاد هیئت د رئیس او غړو په حضور سره جوړه شوه او د امام صاحب د لسوالۍ په ګوم کول او د شیرخان بندر په چهل کپه کې د ۱۴۰ جریبه ځمکې د استرداد په اړه، بحث او خبرې وشوې.
په دغې ناسته کې، د شیرخان بندر په چهل کپه کې د ۱۲۰ جریبه ځمکې موضوع چې امارتي ملکیت دی، بحث او بررسۍ لاندې ونیول شو. یاده ځمکه د یو شخص په تصرف کې وه. نوموړی د هغې په امارتي توب اعتراف کړی او ځمکه امارتي تثبیت شوه او د یوې مصوبې په ترڅ کې استرداد شوې ده. تخنیکي هیئت د یادې ځمکې د اجارې ورکولو په برخه کې لازمې لارښوونې وکړې.
دغه راز په یاده ناسته کې، د امام صاحب د ګوم کول د ۲۰ جریبه ځمکې دوسیه چې امارتي تثبیت شوې او د امام صاحب د محکمې لخوا تخنیکې هیئت ته رسیدلې، بررسۍ لاندې ونیول شوه. هیئت د متصرف لخوا د زمیندارۍ د سندونو د نه وړاندې کولو او د ځمکو د ادارې د معلوماتو په پام کې نیول سره د یادې ځمکې د استرداد په برخه کې تصمیم ونیو او لارښوونه یې وکړه ترڅو د هغې د اجارې ورکولو په برخه کې اقدام وشي
په دغې ناسته کې، د قلعه ذال ولسوالۍ په چهار چوب کې د ۵۰۰ جریبه ځمکې د مستاجر د فعالیت د تداوم په برخه کې د هغه له قانوني سندونه سره سم لازم تصمیمونه ونیول شول او دغه راز د کادستر د فني ټیم راپور چې امارتي تثبیت شوې ساحې یې سکیچ او کروکي کړي، واوریدل شو او یاد ټیم ته لازمې لارښوونې وشوې.
