د کاپیسا ولایت د ځمکو د غصب د مخنیوي د تخنیکي هیئت ناسته جوړه شوه
د کاپیسا ولایت د ځمکو د غصب د مخنیوي د تخنیکي هیئت ناسته د ذوالحجې د میاشتې په ۱۷ نېټه د چهارشنبې په ورځ د دغه هیئت د رئیس او غړو په حضور سره جوړه شوه.
په دغې ناسته کې د هیئت رئیس کابل ته د خپل سفر او د ځمکو د غصب د مخنیوي کمېسیون له رئیس سره د کتنې په اړه د یاد هیئت غړو ته معلومات وړاندې کړل او د نوموړي لارښوونې هم له هغو سره شریکې کړې. دغه راز کاپيسا ولایت کې د ځمکو د غصب د مخنیوي او د پاتو امارتي ساحو د استرداد په موخه د منظم کاري پلان د ترتیب په اړه بحث وشو.
په همدې توګه دغې ناسته کې د حصه اول کوهستان ولسوالۍ او د یاد ولایت مرکز ته د پاتې ساحو د تثبیت په موخه د هیئت د سفر په اړه بحث وشو او دغې برخه کې لازم تصمیمونه ونیول شول. دغه راز د یو شمېر افرادو او اشخاصو عریضو د رسیدګۍ په اړه هم بحث وشو چې پر امارتي ساحو د مالکیت ادعا لري او له ساحو څخه د لیدنې په برخه کې لازم تصمیمونه ونیول شول.
