د کاپیسا ولایت د استیناف محکمې له رئیس سره د یاد ولایت د عدلیې رئیس کتنه
د کاپیسا ولایت د عدلیې رئیس قاري شکر الله احمد او له هغه سره مل پلاوي د صفرالمظفر د میاشتې په ۱۹ نېټې د سه شنبې په ورځ د دغه ولایت د استیناف محکمې له رئیس سره وکتل او خبرې ورسره وکړې.
په دغې کتنه کې چې د یاد ولایت د استیناف محکمې په ریاست کې ترسره شوې وه، د ښاري ابتدائیې محکمې رئيس، د مدني دیوان رئیس، د عدلیې ریاست د امارت د قضایاوو آمر او د دغو دوو ادارو نورو مسؤلینو حضور درلود.
په دغې ناسته کې د عدلیې ریاست، محکمو او نورو اړوندو ادارو ترمنځ د هغمږۍ ناستو د جوړولو، د عامه حقوقو دوسیو ته د رسیدګۍ او هغوی ته د لومړیتوب ورکولو، دغو دوو ادارو ترمنځ د دوسیو په اړه د موجودو ننګوونو د حل او د اراضۍ ادارې د آمریت په واسطې د ځمکو د غصب اړوند د راپورونو د ترتیب د څرنګوالي او د نورو موضوعاتو په اړه بحث او د نظرونو تبادله ترسره شوه او دغې برخه کې لازم تصمیمونه ونیول شول.