د کاپیسا ولایت تګاب ولسوالۍ ته د یاد ولایت د ځمکو د غصب د مخنیوي تخنیکي هیئت سفر
د کاپیسا ولایت د ځمکو د غصب د مخنیوي تخنیکي هیئت د ذوالحجې د میاشتې په ۱۸ نېټه د پنجشنبې په ورځ د یاد ولایت تګاب ولسوالۍ ته ولاړ او دغې ولسوالۍ کې پاتې امارتي ساحې بررسي او تثبیت کړې.
یاد شوي هیئت د تګاب پاینده خیلو، عمرخیلو او غازي خانخیلو کلیو ته ولاړ او دغو کلیو کې پاتې امارتي ساحې بررسي، تشخیص او تثبیت کړې.
دغه راز یاد هیئت د غاصبینو او متصرفینو لړلیک هم چمتو کړ او د ساحو اوسیدونکو ته د ځمکو د غصب د مخنیوي په برخه کې لازمې لارښوونې وکړې.
په همدې توګه یاد هیئت استرداد شوې امارتي ساحې د یادې ولسوالۍ مسؤلینو ته وسپارلې ترڅو له هغو څخه ګټه پورته شي او هم د هغو له غصب څخه مخنیوی وشي.
