د کارموندنې خبرتیا
Publish Date
Closing Date
د سالمې ادارې د اصلاح او رامنځته کولو په منظور د افغانستان اسلامي امارت د لوړو موخو د تحقق په موخه، کار اهل ته د کار د سپارلو، د ژمن او وړ بشري ځواک د جذب او استخدام لپاره د افغانستان اسلامي امارت د عدلیې وزارت د حقوقي مرستو ریاست اړوند د څلورمې رتبې (حقوقي مساعد) دوه بستونه له ۱۴۰۴/۵/۶ تر ۱۴۰۴/۵/۱۶ هـ . ش چې له ۱۴۴۷/۲/۳ تر ۱۴۴۷/۲/۱۳ هـ . ق نېټې سره سمون خوري د (۱۰) کاري ورځو لپاره اعلان ته سپاري.
د دندې سرلیک: حقوقي مساعد
بست: (۴)
وزارت یا اداره: د عدلیې وزارت
اړونده څانګه: د حقوقي مرستو ریاست
د پست موقعیت: کابل
د پست شمېر: ۲
راپور ورکول: د حقوقي مساعدینو آمریت
د دندې موخه:
د اړوندو نافذه اصولو، موخو، پالیسۍ، لایحو، طرزالعملونو او اړوندو تقنینیو سندو سره سم د عدلي تعقیب په ټولو مراحلو (ابتدایې، استیناف او سترې محکمې) کې په جزایي قضیو کې د بېوزلو شکمنو، تورنو او زیانمنو اشخاصو او همدارنګه په کورنیو قضیو کې د ښځو او ماشومانو له شرعي او قانوني حقونو دفاع کول.
صلاحیتونه او مسئولیتونه:
اساسي دندې:
- د اړوندې قضیې په اړه د حقوقي مرستې له غوښتونکي څخه د لومړنیو اطلاعاتو او معلوماتو ترلاسه کول او راټولول؛
- د قضیې په هکله د اسنادو او مدارکو د تعقیب او تنظیم په موخه اړوندو ادارو ته مراجعه کول؛
- له مؤکل سره چې تر نظارت، توقیف یا بند لاندې وي، په مصئون چاپېریال کې محرمې لیدنې، خبرې، مراسلات او مخابرات ترسره کول، او له هغه سره د موافقهنامې لاسلیک کول.
- د نافذو تقنینیو سندونو په رڼا کې د راټولو شویو معلوماتو او اسنادو پر بنسټ د قضیې تحلیل او تجزیه؛
- د دفاعیې، د دعوی صورت، اعتراض او د اعتراض دفع، دفع الدفع او د سپارل شوې قضیې په تړاو د نورو حقوقي عریضو ترتیب او لیکنه او اړوندو مراجعو ته یې سپارل.
- د کشف، څېړنې او محکمو په ټولو پړاوونو کې ګډون کول او د مؤکل په استازیتوب ځواب وړاندې کول؛
- د عدالت د تأمین په موخه په جزایي قضیو کې د عدلي او قضايي تعقیب په هر پړاو کې د بېوزلو شکمنو، تورونو او زیانمنو له حقوقو څخه دفاع کول؛
- په کورنیو قضیو کې د بېوزلو ښځو او ماشومانو له شرعي او قانوني حقوقو څخه دفاع کول؛
- د قضیې د حل او فصل، څرنګوالي په اړه له اړوندو مراجعو څخه ډاډ ترلاسه کول او اړوند آمر ته یې راپور وړاندې کول؛
- متقاضیانو او مؤکلینو ته د شرعي او قانوني مشورو وړاندې کول؛
- د مؤکل او د حقوقي مرستې د غوښتونکي اسرارو ساتنه؛
- په ورسپارل شوي ډیټابېس کې د قضیې ثبت؛
مدیریتي دندې:
- ټاکل شویو موخو ته درسیدو په موخه د ادارې له عمومي پلان سره سم د میاشتني، ربعوار، کلني کاري پلان ترتیبول؛
- د موخه د تحقق په موخه د اړوندو فعالیتونو او لاسته راوړنو د میاشتني، ربعوار، کلني او د عندالضرورت راپور وړاندې کول ؛
- د قوانینو، مقرراتو او د ادارې د موخو مطابق د نورو ورسپارل شویو دندو ترسره کول چې د ذیصلاح مقاماتو له لورې ورکول کېږي ؛
د همغږۍ دندې:
- د ورسپارل شویو چارو پرمخ وړلو په موخه له نورو اړوندو برخو سره د همغږۍ او اړیکو تأمین؛
شرایط استخدام:
- د افغانستان تابعیت ولري.
- عمر یې له (۱۸) کالو لږ او له (۶۴) زیات ونهاوسي.
- د دفاع وکالت د جواز درلودل.
تحصیلي سویه:
- لږ تر لږه د شرعیاتو، حقوقو د لیسانس او په دې معادل د هېواد له داخل او بهر څخه د دیني مدرسو سند درلودل چې د لوړو زده کړو وزارت له خوا تایید شوی اوسي، پورته څانګو کې لوړې تحصیلې درجې ته لومړیتوب ورکول کېږي.
کاري تجربه:
- د دندې اړوند لږ تر لږه یو کال.
لازم مهارتونه:
- د اړوندې برخې د پالیسۍ د تطبیق وړتیا.
- په یوې رسمي ملي ژبه (پښتو یا دري) تسلط.
- د دندې اړوند په کمپیوټري برنامو کې مهارت.
په شرایطو برابر غوښتونکي کولای شي د اعلان شوي بست د غوښتنلیک فورمه له دغه ځای او یا هم د کارکوونکو د چارو د ریاست د استخدام له آمریت څخه په حضوري ډول ترلاسه کړي د فورمې له ډکولو څخه وروسته له (یو قطعه عکس، د تابعیت تذکره، تحصیلي سندونو او کاري تجربې) سره په ټاکل شوي وخت د کارکوونکو د چارو ریاست ته تسلیم کړي.