د کارموندنې خبرتیا
Publish Date
Closing Date
د سالمې ادارې د اصلاح او رامنځته کولو لپاره د افغانستان اسلامي امارت د عدلیې وزارت لوړو موخو ته د رسیدلو، کار اهل د کار د سپارلو په موخه د عدلیې وزارت د اړتیا وړ د ژمن انساني ځواک د جذب او استخدام په منظور د خپرونو او عامه اړیکو ریاست اړوند (د عدالت مجلې مصحح) د پنځمې رتبې یو بست له ۱۴۰۳/۱۰/۲۶تر ۱۴۰۳/۱۱/۷ هـ . ش مطابق ۱۴۴۶/۷/۱۴ تر ۱۴۴۶/۷/۲۵ هـ . ق نېټې پورې د (۱۰) کاري ورځو لپاره اعلان ته سپاري.
د دندې سرلیک: دعدالت مجلې مصحح
بست: (۵)
وزارت یا اداره: د عدلیې وزارت
اړونده څانګه: د خپرونو او عامه اړیکو ریاست
د پست موقعیت: کابل
د پست شمېر: ۱
راپور ورکول: د عدالت مجلې عمومي مدیریت ته
د دندې موخه: د اصولو، موخو، پالیسۍ، لایحو، طرزالعملونو او له اړوندو نافذه تقنیني سندونو سره سم د عدالت په مجله کې د خپرولو وړ مضامینو مطالعه او تصحیح.
دندې او مسؤولیتونه:
اساسي دندې:
- د ابهاماتو، املائي او انشائي اشتباهاتو د لرې کولو په موخه په عدالت مجله کې د خپرولو وړ ترلاسه شویو ټولو سندونو او مطالبو مطالعه او تصحیح؛
- د ابهاماتو او د مطالبو د کلي بدلون د مخنیوي په موخه د مضمون له اصل سر د پرنټ پرتله کول؛
- د اصلاحي نظر څرګندولو په موخه د عدالت مجلې د تحریر هیئت ته د رارسیدل شوو مضامینو سپارله؛
- د عدالت مجلې د مضامین د سندونو اصل ساتل؛
- د تصحیح شوو مضامینو ترتیب او تنظیم او په عدالت مجله او ویبپاڼه کې د خپرولو په موخه اړوندو څانګو ته استول؛
مدیریتي دندې:
- د ادارې ټاکل شویو موخو ته درسیدو په موخه له عمومي پلان سره سم د میاشتني، ربعوار، کلني کاري پلان ترتیبول؛
- د ادارې د رهبرۍ د خبرولو په موخه، د اړوندو فعالیتونو او لاسته راوړنو د میاشتني، ربعوار، کلني او د عندالضرورت راپور وړاندې کول؛
- د تقنیني سندونو، لایحو، پالیسۍ او د ادارې د موخو مطابق د ذیصلاح مقاماتو له لورې د نورو ورسپارل شویو دندو ترسره کول؛
د همغږۍ دندې:
- د ورسپارل شویو چارو پرمخ وړلو په موخه له نورو اړوندو برخو سره د همغږۍ او اړیکو تأمین؛
د استخدام شرطونه:
- د افغانستان تابعیت ولري.
- عمر یې له (۱۸) کالو لږ او له (۶۴) زیات ونهاوسي.
سویه تحصیلی :
- لږ تر لږه د اسلامیاتو، شرعیاتو، حقوقو او ادبیاتو په یوې څانګه کې د تحصیلي سند درلودل، په یادو څانګو کې لوړې تحصیلې درجو ته لومړیتوب ورکول کېږي.
کاري تجربه:
- اړتیا نه لري.
لازم مهارتونه:
- په یوې رسمي ملي (پښتو یا دري) ژبه تسلط.
- د دندې اړوند په کمپیوټري برنامو کې مهارت.
په شرایطو برابر غوښتونکي کولای شي د اعلان شوي بست د غوښتنلیک فورمه له(دغه ځای) او یا هم د کارکوونکو د چارو د ریاست د استخدام له آمریت څخه په حضوري ډول ترلاسه کړي او له ډکولو څخه وروسته د ضرورت وړ سندونو او خپل کاري تجربې سره یوځای په ټاکل شوي وخت د کارکوونکو د چارو ریاست ته تسلیم کړي.