د پکتیکا ولایت د ځمکو د غصب د مخنیوي د تخنیکي هیئت ناسته جوړه شوه
د پکتیکا ولایت د ځمکو د غصب د مخنیوي د تخنیکي هیئت ناسته د شوال میاشت په ۲۴ نېټه د یکشنبې په ورځ د دغه هیئت د رئیس او غړو په حضور سره جوړه شوه او په آجنډا کې د شاملو موضوعاتو په اړه په کې بحث او خبرې وشوې.
په دغې ناسته کې، په یوسف خیل ولسوالۍ کې د یو شخص د موضوع په اړه پریکړه وشوه چې هیئت یو ځل بیا ساحې ته ولاړ شي او سندونه له مدعی بها ځمکې سره تطبیق کړي. دغه راز د متاخان ولسوالۍ د ډب ساحې ته د هیئت د سفر په اړه هم لازم تصمیم ونیول شو.
په دغې ناسته کې، د غزني ولایت له تخنیکي هیئت سره د دغه هیئت د کتنې او نورو موضوعاتو په اړه هم بحث وشو او یاد شوي هیئت له مراجعینو سره هم وکتل او د هغوی خبرې یې واوریدلې او د هغوی عریضي یې هم واخیستلې.
