د پکتیا ولایت د ځمکو د غصب د مخنیوي د تخنیکي هیئت د ناستې جوړیدل
د پکتیا ولایت د ځمکو د غصب د مخنیوي د تخنیکي هیئت ناسته د ذوالحجې د میاشتې په ۱۷ نېټه د چهارشنبې په ورځ د دغه هیئت د رئیس او غړو په حضور سره جوړه شوه او یاد هیئت د حبیب کلا ساحې له اوسیدونکو او د تېرې ساحې له استازو سره وکتل او له هغوی سره د هغوی د موضوع په تړاو خبرې وکړې.
په دغې ناسته کې، یاد هیئت پریکړه وکړه چې اوونۍ کې یوازې یو غونډه جوړه کړي او یواځې له هغو اشخاصو سره چې بلل کیږي، کتنه وشي او پاتې مراجعین د دغه هیئت سکرتریت ته مراجعه وکړي.
دغه راز پریکړه وشوه چې د هیئت تر کار لاندې موضوعات ژر تر ژره وروستي شي او د ترانسپورت ریاست د ځمکې د لیږد موضوع په اړه پریکړه وشوه چې د دغه هیئت غړي راتلونکې ورځ خپل نظر وړاندې کړي.
