د پکتیا ولایت د ماشومانو د اصلاح او روزنې په مرکز کې د حقوقي پوهاوي ورکولو برنامه جوړول
د پکتیا ولایت د عدلیې ریاست د حقوقي مساعدتونو آمریت د شوال د مياشتې په ۲۱ مه نېټه د سه شنبې په ورځ د ياد ولایت د ماشومانو د اصلاح او روزنې په مرکز کې د حقوقي پوهاوي ورکولو برنامه جوړه کړه.
په دې برنامه کې چې د ماشومانو د اصلاح او روزنې مرکز ۱۴ تنو زده کوونکو ګډون درلود او د حقوقي مرستندوی د پېژندګلوۍ، د حقوقي مرستندوی د درلودلو حق او حقوقي مرستندوی ته د لاسرسۍ لپاره د عریضې وړاندې کولو مرجع په هکله پوهاوی وړاندې شو.
د پکتیا ولایت د ماشومانو د اصلاح او روزنې مرکز مسؤولينو د یاد ولایت د عدلیې ریاست حقوقي برنامې وستایلې او په راتلونکې کې هم د ورته برنامو ترسره کولو غوښتنه وکړه.
