د پکتیا ولایت د عدلیې ریاست او د یاد ولایت د مدافع وکیلانو ترمنځ د همغږۍ ناسته جوړیدل
د پکتیا ولایت د عدلیې ریاست او د یاد ولایت د مدافع وکیلانو ترمنځ د همغږۍ ناسته د ربیع الثاني د میاشتې په ۲۷ نېټې د شنبې په ورځ د پکتیا ولایت د عدلیې رئیس مولوي محمد رییس محمدي او د یاد ولایت د یو شمېر مدافع وکیلانو په ګډون د عدلیې ریاست په مقر کې جوړه شوه.
په دغې ناسته کې د پکتیا ولایت عدلیې رئیس د یاد ریاست د مدافع وکیلانو د آمریت د فعالیتونو په اړه معلومات وړاندې کړل او د مدافع وکیلانو د انسجام کړنلارې مطابق هغوی ته لازې توصیې او لارښوونې وشوې. نوموړي د یاد ولایت مدافع وکیلانو ته وویل چې د مدافع وکیلانو د انسجام کړنلارې په مطابق، هر وکیل باید په کال کې د بې وزله تورونو ۳ جزايي قضیې په وړیا توګه په مخ یوسي او دفاع کړي.
د پکتیا ولایت عدلیې رئیس د ځانګړې لوحې او مهر د درلودلو، په جزايي قضیو کې د مدافع وکیل د تعیین ډول، له عدلیې ریاست سره د هغو اشخاصو د شهرت شریکول چې په دارالوکالو کې عملي او مسلکي زده کړې ترسره کوي او له جواز پرته د نه فعالیت کولو او د نورو مواردو په تړاو هغوی ته لازمې لارښوونې وکړې.
په یاد ناسته کې، د پکتیا ولایت مدافع وکیلانو هم خپل ستونزې او وړاندیزونه مطرح کړل چې د عدلیې رئیس له لوري په دې برخه کې لازمې لارښوونې وشوې.
