د پنجشیر ولایت د عدلیې او استیناف محکمې رياستونو ترمنځ د همغږۍ ناسته ترسره شوه
د پنجشیر ولایت د عدلیې رئیس قاري شکرالله احمد او ورسره مل پلاوي د ذوالقعدې د میاشتې په ۱۳مه نېټه د یکشنبې په ورځ، د دغه ولایت د استیناف محکمې له عمومي رئیس عبدالله سدید سره د استیناف محکمې په مقر کې د همغږۍ ناسته وکړه.
په دې ناسته کې د املاکي دوسیو په برخه کې د ځینو ستونزو په اړه چې محکمو پورې اړه لري، خبرې وشوې او د حل په موخه هر اړخيز بحث وشو.
همدارنګه، په دې ناسته کې د دواړو ادارو ترمنځ د لا زياتې همغږۍ او همکارۍ په موخه، د ورته ناستو پر دوامداره جوړیدو ټینګار وشو.
