د پروان ولایت د عدليې ریاست اداري ناسته جوړه شوه
د پروان ولایت د عدليې ریاست اداري ناسته د ۱۴۴۴ هجري قمري کال د ذوالقعدې میاشت په ۷ نېټه د شنبې په ورځ د عدليې رئیس مولوي عبدالقدیر عابد په مشرۍ او د دغه ریاست د آمرینو او کارکوونکو په ګډون جوړه شوه.
په دغې ناسته کې، د عدليې رئیس د موضوع په تړاو خبرې وکړې او د دغه ریاست کارکوونکو ته يې توصیه وکړه چې خپل صورت او سیرت له اسلامي شریعت سره سم عیار کړي.
دغه راز نوموړي د یاد ریاست کارکوونکو ته لارښوونه وکړه چې خپلې حاضرۍ ته پابند اوسي او د مراجعینو عریضو او دوسیو ته په غوره شکل رسیدګي وکړي. نوموړي د همکارانو ترمنځ پر لازیاتې همغږۍ ټینګار وکړ او د یاد ریاست له کارکوونکو څخه یې وغوښتل چې د اسلامي امارت فرمانونو او ارزښتونو ته ژمن اوسي او د خپل هیواد مظلومو خلکو ته صادقانه خدمت وکړي.
