د هیواد په جنوب کې د مرګونې زلزلې په اړوند د عدلیې د وزیر شیخ الحدیث مولوي عبدالحکیم شرعي د ډاډګیرنې پیغام
بِسْمِ اللّٰهِ الرَّحْمٰنِ الرَّحِيمِ
وَ بَشِّرِ الصَّابِرينَ أَلَّذينَ إِذا أَصابَتْهُمْ مُصيبَةٌ قالُوا إِنَّا لِلَّهِ وَ إِنَّا إِلَيْهِ راجِعُونَ
په ژورې خواشینۍ او خپګان سره مو خبر ترلاسه کړ چې د هغې سختې زلزلې په پایله کې چې د پکتیکا، خوست او پکتیا په ولایتونو کې وشوه، زموږ په سلګونو تنه هیوادوال شهیدان او په سلګونو تنه نور ټپیان شوي او دغې دردونکې پیښې زیات مالي تاوانونه هم اړولي دي.
د عدلیې وزارت مشرتابه او ټول کارکوونکي د قربانیانو له کورنیو سره د همدردۍ او غمشریکۍ د څرګندولو په ترڅ کې د لوی خدای (جل جلاله) له دربار څخه د دغې پیښې شهیدانو ته د فردوس جنت او ټپیانو ته د عاجلي روغتیا هیله کوي.
د عدلیې وزارت مشرتابه دغه راز له ټولو مرستندویو بنسټونو او مؤسسواو نړیوالې ټولنې څخه غواړي چې د زیانمن شویو کسانو د ژغورنې او مرستې له پاره له هیڅ راز هڅو او هاند څخه ډډه و نه کړي.
