د هرات ولایت د ځمکو د غصب د مخنیوي د تخنیکي هيئت ناسته جوړه شوه
د هرات ولایت د ځمکو د غصب د مخنیوي د تخنیکي هيئت ناسته د ذوالقعدې د میاشتې په ۲۳ نېټه د دوشنبې په ورځ د دغه هیئت د رئیس (سرپرست) او غړو په حضور سره جوړه شوه او په کې د شیدايي ښارګوټي د سرکوونو پرانېستل چې د بېرته راستنیدونکو له خوا تړل شوي، بحث وشو. د بېرته راستنه شوو استازي وغوښتل شول او هغوی ته ښاري پلان او د شیدايي ښارګوټي نقشه توضیح کړل شوه. د بېرته راستنیدونکو استازو د تخنیکي هیئت له دغه تصمیم څخه هرکلی او ملاتړ اعلام کړ.
په دغې ناسته کې، د پهلوان پیري او رباط سرخ ساحو د امارتي املاکو له قطعاتو څخه ترتیب شوی راپور وړاندې شو او وروستی شو ترڅو مرکزي کمېسیون ته واستول شي. په همدې توګه د هغو دوسیو موضوع چې له مرکزي کمېسیون څخه مسترد شوې وې، بررسي شوه او په اړه يې تصمیم ونیول شو چې نیمګړتیاوې بشپړې او بیاځل مرکزي کمېسیون ته واستول شي.
په دغې ناسته کې، د ګډو او مشاع ساحو چې تصفيې ته اړتیا لري د پېژندلو په اړه له مرکزي کمېسیون څخه ترلاسه شوي لیک، په اړه بحث وشو او پریکړه وشوه چې مشاع او ګډې ساحې وپېژندل شي او مرکزي کمېسیون ته واستول شي.
