د هرات ولایت د تخنیکي هیئت ناسته جوړه شوه
د هرات ولایت د ځمکو د غصب د مخنیوي د تخنیکي هیئت ناسته د شوال میاشت په ۱۶ نېټه د شنبې په ورځ د هرات ولایت د والي، د استیناف محکمې رئیس او د تخنیکي هیئت د رئیس او غړو په حضور سره د دغه ولایت په مقر کې جوړه شوه.
په دغې ناسته کې، د تخنیکي هیئت رئیس په میرمنه دښته کې رامنځ ته شوې ستونزې او ننګونۍ د یاد ولایت له والي او د استیناف محکمې له رئیس سره شریکې کړې چې د هغوی له لورې دغې برخه د هر اړخیزې همکارۍ ژمنه وشوه.
په یادې ناسته کې، په لرې پرتو دښتي ساحو کې او د ولسوالیو شاوخوا د افرادو او اشخاصو لخوا د غصب د مخنیوي په اړه بحث وشو او دغې برخه کې لازم تصمیم ونیول شو. دغه راز په یاده ناسته کې، د کوه زور ولسوالۍ اړوند د شوظ کمپنۍ د دښتې ساحې په اړه هم بحث وشو او پریکړه وشوه چې دغې ساحه کې د تصرفاتو د مخنیوي په موخه د تخنیکي هیئت یو ټیم یادې ساحې ته ولاړ شي او تصرف شوې ساحې او جوړ شوي تاسیسات سروي کړي او متصرفین يې په ګوته او تثبت کړي.
د پورته تصمیم په اساس، د شوال میاشت په ۱۸ نېټه د دوشنبې په ورځ یاد هیئت ساحې ته ولاړ او د کوه زور ولسوالۍ د کرنې مدیر په حضور کې دغه ساحه بررسي شوه او تصرف شوې ساحې کروکي او ثبت شوې او له متصرفینو څخه یې قانوني او شرعي سندونه وغوښتل شول.
