د نورستان ولایت د ځمکو د غصب د مخنیوي د تخنیکي هیئت د ناستې جوړیدل
د نورستان ولایت د ځمکو د غصب د مخنیوي د تخنیکي هیئت ناسته د شوال میاشت په ۲۱ نېټه د پنجشنبې په ورځ د دغه هیئت د رئیس او غړو په حضور سره جوړه شوه.
په دغې ناسته کې، د عدليې ریاست د ودانۍ د ځمکې په اړه چې ۱۳ بسوې په کې شامله ده او په ۱۳۸۴ کال کې د یو شخص له کورنۍ څخه اخیستل شوې، بحث او خبرې وشوې.
تخنیکي هیئت یاده ځمکه کروکي او پولې یې تعیین کړې او له قانون او اصولو سره سم یې اجراآت ترسره کړل. یاده ځمکه د ځمکو په آمریت کې ثبت شوه او د عدليې ریاست ته وسپارل شوه.
