د نورستان ولایت د تخنیکي هیئت او د یاد ولایت د مقام ترمنځ د همغږۍ ناسته جوړیدل
د نورستان ولایت د ځمکو د غصب د مخنیوي د تخنیکي هیئت او د مقام ترمنځ د همغږۍ ناسته د ۱۴۴۵ هجري قمري کال د محرم الحرام د میاشتې په ۵ نېټه د شنبې په ورځ د یاد ولایت په مقام کې جوړه شوه.
په دغې ناسته کې چې د کلام الله مجید د څو آیاتونو په تلاوت سره پیل شوه، د تخنیکي هیئت رئیس د موضوع په تړاو خبرې وکړې او د یاد ولایت مقام ته د ۱۴۴۴ هجري قمري کال د لاسته راوړنو راپور او د دغه هیئت ۱۴۴۵ هجري قمري کال کاري پلان وړاندې کړ.
په دغې ناسته کې، د نورستان د والي مرستیال د یاد ولایت د ځمکو د غصب د مخنیوي د تخنیکي هیئت کړنې وستایلې او له هغو څخه یې قدرداني وکړه، ویې ویل چې دغه لاسته راوړنې اسلامي امارت له پاره یو ښه زیری دی. دغه راز نوموړي ۱۴۴۵ هجري قمري کال له پاره د یاد ولایت تخنیکي هیئت ته لازمې توصیې او سپارښتنې وړاندې کړې.
