د نورستان ولایت تخنیکي هیئت ددغه ولایت برګمتال او کامدیش ولسوالیو ته سفر وکړ
د نورستان ولایت د ځمکو د غصب د مخنیوي تخنیکي هیئت د تېرو دریو ورځو په لړ کې ددغه ولایت برګمتال او کامدیش ولسوالیو ته سفر وکړ او ددغې ولسوالۍ له سیمه ییزو مسوولینو، قومي مشرانو او مخورو سره یې وکتل.
یاد هیئت دغو ولسوالیو ته د سفر د موخې په اړه، د یادو ولسوالیو سیمه ییزو مقاماتو او ځايي مسوولینو، قومي مشرانو او مخورو ته د ځمکو د غصب د مخنیوي د مقررې او ددغه هیئت د صلاحیتونو په اړه معلومات ورکړل او له هغوی څخه یې وغوښتل چې دغو ولسوالیو کې د امارتي غصب شویو ځمکو د تثبیت او تشخیص برخه کې له یاد شوي هیئت سره همکاري وکړي.
سیمه ییزو مقاماتو او مسوولینو، قومي مشرانو او د یادو ولسوالي مخورو له دغه هیئت سره د هر اړخیزې همکارۍ ژمنه وکړه.
