د ننګرهار ولایت د ځمکو د غصب د مخنیوي د تخنیکي هیئت د ناستې جوړیدل
د ننګرهار ولایت د ځمکو د غصب د مخنیوي د تخنیکي هیئت ناسته، د ذوالحجې د میاشتې په ۲۱ نېټه د یکشنبې په ورځ د هیئت د رئیس او غړو په حضور سره جوړه شوه.
په دغې ناسته کې د کابل هډې ځمکې، د مهمندرې ۶ جریبه ځمکې، د حاجي قدیر ښارګوټي، د غوچک ساحې، د سخي صاحب وقفي ځمکې او د شهر کهنه موضوع په اړه بحث او د نظر تبادله ترسره شوه.
تخنیکي هیئت د کابل هډې ځمکې په اړه پریکړه وکړه چې ټولو هغو اشخاصو ته چې دغه ځمکه یې له دوو اشخاصو څخه پېرودلې ده، استعلامونه وویشي.
د شهر کهنه ښارګوټي په اړه هم پریکړه وشوه چې د ښاروالۍ نقشه په ساحه کې تطبیق شي او هیئت د مهمندرې ۶ جریبه ځمکې په تړاو هم پریکړه وکړه چې یاده ځمکه تثبیت او په اجاره ورکړل شي
دغه راز پریکړه وشوه چې د حاجي قدیر ښارګوټي او غوچکو ساحې کروکي، سکیچ او اندازه مشخصه شي او ورسته يې په اړه تصمیم ونیول شي.
