د ننګرهار ولایت د عدليې او د ښاري ابتدائيه محکمې ریاستونو ترمنځ د همغږۍ ناسته جوړیدل
د ننګرهار ولایت د عدليې رئيس مولوي محمد رئیس محمدي او ورسره مل پلاوي د محرمالحرام د میاشتې په ۱۱مه نېټه د دوشنبې په ورځ د یاد ولایت د ښاري ابتدائيه محکمې له رئيس مفتي سید محمد مخلص سره د یادې محکمې په مقر کې وکتل.
په دې ناسته کې د قضیو د تفکیک، په ټاکل شوي وخت د قضیو څېړل او حلول او د عدليې ریاست او د ښاري ابتدائيه محکمې ترمنځ د همغږۍ او همکارۍ د پیاوړتیا په اړه بحث او خبرې وشوې.
د ښاري ابتدائيه محکمې مسؤولینو ټینګار وکړ چې دا ډول ناستې باید دوامداره وي او ژمنه یې وکړه چې له عدليې ریاست سره به هر اړخیزه همکاري کوي.
