د ننګرهار عدلیې رياست او استيناف محمکې ترمنځ د همغږۍ ناسته ترسره شوه
د ننګرهار ولایت د عدلیې رئيس مولوي محمد رئيس محمدي او مل پلاوي د صفر المظفر د مياشتې ۲۴ مه نېټه، د دوشنبې په ورځ د استيناف محکمې رئيس مولوي محبوب الرحمن نقشبندي او د ديوانونو له یو شمېر نورو مسؤولينو سره د همغږۍ ناسته ترسره کړه.
په دې ناسته کې د امارتي قضایاوو، مدافع وکيلانو او حقوقي مرستو اړوند یو شمېر موضوعاتو په اړه خبرې وشوې او په دې برخو کې د اجرآاتو د چټکټيا په اړه ټينګار وشو.
د محکمې رئیس او نورو مسؤولینو عدلي ریاست ته د همکاریو ډاډ ورکړ او په راتلونکي کې یې د لا زیاتې همغږۍ ژمنه وکړه.
