د میدان وردک ولایت تخنیکي هیئت دغه ولایت کې له ځینو ساحو څخه لیدنه وکړه
د میدان وردک ولایت د ځمکو د غصب د مخنیوي تخنیکي هیئت د دوو تېرو ورځو په ترڅ کې د مرکز بهسود او حصه اول بهسود ته ولاړ او دغو ولسوالیو کې يې تر ادعا لاندې ځمکو په بررسۍ سره یې عملي اقدامات ترسره کړل.
هیئت په یادو شویو ولسوالیو د ځمکو د غصب د مخنیوي کمېټې له غړو او د یادو ولسوالیو له سیمه ییزو مسوولینو سره یې وکتل. په دغې کتنه کې د ځمکو د غصب د مخنیوی په برخه کې د فعالیتونو د پیاوړتیا په اړه خبرې وشوې.
یاد هیئت د مرکز بسهود ولسوالۍ اړوند د لاډو دښتې ساحه بررسي کړه. یاده شوې ساحه چې وړاندې د عدلیې او قضایي ارګانونو تر دعوا لاندې وه، ۳۲ جریبه څرګنده شوې وه او له بررسۍ څخه وروسته مشخصه شوه چې ۱۹۸.۹۳ جریبه ځمکه په کې شامله ده. اوس مهال د یادې دښتې پر ټولو ساحو چې ۳۹۳۰.۲۳۵ جریبه ځمکه په کې شامل ده، دعوا روانه ده.
په همدې توګه تخنیکي هیئت د حصه اول بهسود ولسوالۍ یورد کلي ته ولاړ او دغه کلي کې یې د ځمکو له غصب څخه مخنیوی وکړ او لارښوونه یې وکړه چې متصرفین ولسوالۍ ته جلب شي، د هغوی سندونه او معلومات تخنیکي هیئت ته واستول شي.
