د میدان وردک ولایت تخنیکي هیئت، په یاد ولایت کې د ۲۲۰ کادستري قطعې ۶۰۵ جریبه ځمکه تثبیت کړه
د میدان وردک ولایت د ځمکو د غصب د مخنیوي تخنیکي هیئت د ۱۴۴۴ هجري قمري کال د روژې میاشت په ۱۴ نېټه د چهارشنبې په ورځ د یاد ولایت سید آباد ولسوالۍ ته ولاړ او په دغې ولسوالۍ کې یې د معلمینو ښارګوټی بررسي کړ.
د یادې ساحې متصرفینو ادعا درلودله چې د معلمینو ښارګوټی د سید آباد په سي سي دښته کې منظور شوی، نه د ډاګبغرۍ دښته کې چې اوس په کې موقعیت لري.
تخنیکي هیئت ۲۲۰ کادستري قطعه چې ۶۰۵ جریبه ځمکه په کې شامله ده، په یاده ساحه کې تثبیت کړه. دغه قطعه په ۱۳۴۷ کال کې د دولت د املاکو په نوم ثبت شوې ده.
یاد شوي هیئت مشخصه کړه چې یاد ښارګوټی په همدغې کادستري قطعه کې منظور شوی چې د سي سي او ډاګبغرۍ دښتو سربېره، ځینې نور کلي هم په کې شامل دي او د ښارجوړلو لخوا ترتیب شوی پلان هم په همدې کادستري قطعه کې منظور شوی دی.
