د مدافع وکیلانو د دوه یم دور آزموینې د نوم لیکنې بهیر د پيل په تړاو د عدليې وزارت اعلامیه
د دفاع وکالت د جوازلیکوونو ټولو غوښتونکو ته خبر ورکول کیږي، چې د دفاع وکالت د دوه یمې دورې د ورودي ازموینې لپاره د نوم لیکنې بهیر د ۱۴۰۲ هجري لمریز کال د چنګاښ د میاشتې په ۱۹ نېټه د دوشنبې په ورځ چې د ۱۴۴۴ هجري قمري کال د ذوالحجې د میاشتې له ۲۲ نېټې سره سمون خوري، پيلیږي.
پر دغه اساس هغه غوښتونکي چې مخکې ئې د دفاع وکالت د ورودي ازموینې لپاره نوم لیکنه کړې وه مکلف دي چې ژر تر ژره د عدليې وزارت د مدافع وکیلانو ریاست ته مراجع وکړي ،او په ازموینه کې د ګډون لپاره د غوښتنلیک فورمه ډکه کړي او د یاد ریاست اداري مدیریت ته یې وسپاري، په غیر له دې په آزموینه کې نه شاملیږي.
اړین سندونه :
- د تحصیلی سندونو رنګه کاپي
- د تذکرې رنګه کاپي
- څلور قطعي انځورونه ۳/۴
- د دوه یمې دورې په ورودي ازموینه کې د غوښتنلیک فورمه ډکول.
نوټ:
- په ازموینه کې د ګډون د غوښتنلیک فورمې بیه (۵۰۰) افغانۍ ده.
- که په ازموینه کې ګډون کونکی ونشي کولی چې شخصاً نوم لیکنې له پاره مراجعه وکړي نو کولای شي د بل شخص په واسطه غوښتنلیک وړاندې کړي او یا د نوم لیکنې فورمه ډکه کړي.
- په آزموینې کې د ګډون لپاره د نوم لیکنې وروستۍ نېټه او د غوښتنلیک فورمې د ثبت د پای نیټه د ۱۴۰۲ هجري لمریز کال د زمري میاشتې ۱۹ نېټه د شنبې ورځ چې د ۱۴۴۵ هجري قمري کال د محرم میاشتې ۲۳ نېټې سره سمون خوري.
- د دفاع وکالت ورودي ازموینه د ۱۴۰۲ هجري شمسي کال د زمري میاشتې ۳۰ نېټه د سه شنبې په ورځ چې د ۱۴۴۵ هجري قمري کال د صفر میاشتې له ۵ نېټې سره سمون خوري اخیستل کیږي.
د آزموینې د پوښتنو منابع
د آزموینې پوښتنې له لاندې منابعو څخه چمتو کیږي:
- عقیده الطحاوی.
- مجله الاحکام العدلیه (عمومیات، دعوی، بینات، تحلیف، قضاء او وکالت)
- د عدلي محکمو اداري اصولنامه.
- د عدلي محکمو حقوقي اصولنامه.
- د مدافع وکیلانو د انسجام کړنلاره.
