د لغمان ولایت د ځمکو د غصب د مخنیوي د تخنیکي هیئت د ناستې جوړیدل
د لغمان ولایت د ځمکو د غصب د مخنیوي د تخنیکي هیئت ناسته ددغه هیئت د رئیس او غړو په حضور سره جوړه شوه او د ځمکو د غصب د مخنیوي او د غصب شویو ځمکو د استرداد په برخه کې یو لړ تصمیمونه ونیول شول.
تخنیکي هیئت د قرغه يې ولسوالۍ اړوند د درونټې ډنډ د کاسې د ځمکې له یو اجاره دار سره وکتل او د نوموړي ستونزې یې واوریدلې. د یادې ځمکې د اجاره دار په وینا، نوموړي په دغې ساحه کې ۱۰۰ جریبه ځمکه د کرنې ریاست لخوا په اجاره اخیستلې او له مرکز څخه یې قرار داد منظور شوی خو دغه ځمکه تر دې دمه نوموړي ته سپارل شوې نه ده او دننګرهار د برېښنا ریاست تر دعوا لاندې ده او یاد شوي ریاست دغه ځمکه بل شخص ته په اجاره ورکړې.
نوموړي د ځمکې د تسلیمې او یا هم د قرار داد د فسخ کیدلو غوښتونکی شو. تخنیکي هیئت پریکړه وکړه چې موضوع د لغمان د کرنې ریاست او د کرنې وزارت له لارې حل او فصل شي.
تخنیکي هیئت کرنج ساحه کې د اوبو پر سر د دعوا له دواړو لورو سره هم وکتل او د هغوی موضوع یې بررسي کړه.
د علینګار ولسوالۍ پړوايي ساحه کې د ۱۱۲ جریبه امارتي ځمکې د تثبیت په اړه هم پریکړه وشوه چې هیئت په راتلونکو ورځو کې ساحې ته ولاړ شي او له نږدې څخه یې بررسي کړي. دغه راز هیئت د احصايې ریاست، ښاروالي او د احصايې ریاست د ودانۍ پر ځمکه ادعا کوونکي شخص ته استعلام ورکړ.
