د غور ولایت د ځمکو د غصب د مخنیوي د تخنیکي هیئت د ناستې جوړیدل
د غور ولایت د ځمکو د غصب د مخنیوي د تخنیکي هیئت ناسته د شوال میاشت په ۲۴ نېټه د یکشنبې په ورځ د هیئت د رئیس او غړو په حضور سره جوړه شوه او د ځمکو د غصب د مخنیوي په تړاو د بېلابېلو موضوعاتو په اړه په کې بحث او خبرې وشوې.
په دغې ناسته کې، د یو شخص د نمرو په تړاو ښاروالۍ او محکمې ته د ویشل شویو استعلامونو ځوابیې بررسي شوې او پریکړه وشوه چې یاده دوسیه د غور قضايي معینیت ته واستول شي.
دغه راز په یاده ناسته کې، په سربند کې د مخابراتي آنتن د ځمکې په اړه بحث شوو او پریکړه وشوه چې یاده ځمکه لاس نه خوړل شوې او موات ځمکه ده او امارتي ملکیت دی او باید د اړوند مخابراتي شرکت قرارداد له شخص سره فسخ او امارت سره وتړل شي.
په دغې ناسته کې، د دوو نورو اشخاصو د حقوقي دوسیې په اړه پریکړه وشوه چې هیئت ساحې ته ولاړ شي او بررسۍ ترسره کړي. دغه راز د ضحاک کلا د ځمکې موضوع او په دغې برخه کې د محکمې معلومات مطالعه او بررسي شول او پریکړه وشوه چې د یادې ځمکې بایعون راتلونکې غونډې ته حاضر شي او د یوې بلې موضوع په اړه هم پریکړه وشوه چې د هیئت غړي له اړوندې ساحې څخه لیدنه وکړي.