د غور او کندز ولایتونو د تخنیکي هیئتونو د ناستو جوړیدل
د غور او کندوز ولایتونو د ځمکو د غصب د مخنیوي د تخنیکي هیئتونو ناستې ددغو هیئتونو د رئیسانو او غړو په حضور سره جوړې شوې او د ځمکو د غصب د مخنیوي په اړه په کې لازم تصمیمونه ونیول شول.
د غور ولایت د تخنیکي هیئت په ناسته کې د آبریز کاسي په لویدیځ برخه کې شنه ساحه بررسي شوه او پریکړه وشوه چې هیئت له نږدې د ساحې څخه لیدنه وکړي او وروسته تصمیم ونیسي.
په همدې توګه د غور تخنیکي هیئت د فیروز کوه شمال په سر شیخ هاي کاسي کې د یو مخابراتي آنتن د پایې د ځمکې ساحې موضوع بررسي کړه. له دې امله چې د یادې ځمکې د ساحې موضوع وړاندې د محکمو له لارې تعقیب اوپه اړه يې پریکړه شوې وه، تخنیکي هیئت د محکمې پریکړه تائید کړه.
په همدې حال کې کندوز ولایت د تخنیکي هيئت په ناسته کې د ښار په داخل کې د امارتي ادارو د غصب شویو ځمکو سندونه بررسي شول.
هیئت د ادارو اړوند د امارتي ځمکو د استرداد په اړه هم بحث او خبرې وکړې او له کړنلارې سره سم یې پر اجراآتو ټینګار وکړ.
په یاده ناسته کې بېلابیل ټیمونه د سکیچ، کروکي او د تثبیت شویو ساحو د بیې ټاکلو په منظور وګمارل شول او هم له هیئت سره د امنیتي ارګانونو پر قاطع همکارۍ ټینګار وشو.
