د عدلیې وزارت کارمندانو لپاره زده کړه ییزه برنامه جوړېدل
د عدلیې وزارت د بشري سرچينو رياست د ظرفیت لوړونې آمریت، د محرم الحرام د مياشتې په ۳ مه نېټه د سهشنبې په ورځ د یاد وزارت د مرکزي رياستونو یو شمېر کارکوونکو ته دوه ورځنۍ زده کړه ییزه برنامه جوړه کړه.
په دې برنامه کې چې د امير المؤمنین حفظه الله تعالی د فرمانونو او حکمونو تشریح او توضيح تر سرلیک لاندې جوړه شوه، د عدلیې وزارت له بېلابېلو مرکزي رياستونو څخه ۲۵ تنو کارمندانو ګډون درلود او د امير المؤمنین حفظه الله تعالی د فرمانونو په اړه یې هر اړخيز معلومات ترلاسه کړل.
د عدلیې وزارت د بشري سرچينو ریاست د ظرفیت لوړونې آمریت د کارمندانو د ظرفیت لوړولو په موخه په دوامدراه توګه ورته برنامې جوړوي.
