د عدلیې وزارت په تېر کال کې د معاملو د لارښوونې د فعالیت ۷۹۰ جواز لیکونه صادر کړي دي!
د اسلامي امارت د عدلیې وزارت د انسجام لوی ریاست د ۱۴۰۰ کال په بهیر کې ۷۹۰ تنو غوښتونکو ته د معاملو د لارښووني د فعالیت جواز لیکونه صادر کړي دي چې له دې جملي څخه ۲۰۲ جوازونه یې تمدیدې او ۵۸۸ یې نوي جوازونه دي.
په دې کال کې له ۷۹۰ صادر شويو جواز لیکونو څخه ۱۷۶ جواز لیکونه د تېر حکومت د واکمنۍ په ۵ میاشتو کې او ۶۱۴ نور جوازلیکونه د افغانستان د اسلامي امارت د واکمنۍ په ۷ میاشتو کې صادر شوي دي.
د عدلیې وزارت د اسلامي امارت د واکمنۍ د ۷ میاشتي په بهیر کې د دغو جوازونو د صادرولو له درکه ۹ میلیونه او ۲۱۰ زره افغانۍ عواید راټول کړي او د افغانستان د اسلامي امارت خزانې ته یې تحویل کړي دي.