د عدلیې وزارت محترم سرپرست وزیر پیام
د عدلیې وزارت محترم سرپرست وزیر وړمه ورځ ( د دوشنبې ورځ ۱۴۴۳/۲/۱۹ هـ.ق نېټه) د چین له سفیر سره وکتل. د علاقې وړ موضوعاتو باندې د بحث په ترڅ کې د چین سفیر د عدلیې وزارت له سرپرست څخه د استفادې وړ اساسي قانون په هکله وپوښتل.
د عدلیې وزارت سرپرست د چین د سفیر د دې پوښتنې په ځواب کې وویل د هغه موادو په استثنی چې د شریعت له حکمونو سره متضاد وي يا د افغانستان اسلامي امارت د پالیسۍ او اصولو سره مخالف وي او یا د ملي منافعو سره په تضاد کې وي د ظاهر شاه د ۱۳۴۳ هـ.ش کال اساسي قانون د استفادې وړ ده.
بناءً له پورته قیودو څخه پرته د اساسي قانون په هکله د عدلیې وزارت د سرپرست د بیان په مورد کې هر ډول تبصره، تفسیر او تأویل د افغانستان اسلامي امارت د اصولو مخالف عمل دی او د افغانستان اسلامي امارت له اصولو او پالیسۍ سره جفا بلل کېږي.
