د عدلیې وزارت د ۶ تشو بستونو رقابتي ازموینه اخیستل
![.](/sites/default/files/2024-01/shshm_0.jpg)
د اسلامي امارت د عدلیې وزارت د بشري سرچینو ریاست د جمادي الثاني د میاشتې په ۲۶ نېټه د سه شنبې په ورځ د یاد وزارت د بېلابېلو ریاستونو څلورمې رتبې او پنځمې رتبې د ۶ تشو بستونو رقابتي ازموینه د آزادې سیالې له لارې واخیسته.
په دې ازموینه کې چې د عدلیې وزارت په مقر کې واخیستل شوه، د عدلیې وزارت د بشري سرچینو رئیس مولوي رحمت لله حلیم او د یاد وزارت نورو مسؤولینو حضور درلود او د ازموینې له بهیر څخه یې څارنه وکړه.
د ازموینې په پیل کې د عدلیې وزارت د بشري سرچینو رئیس د ازموینې د ډول او د پوښتنو څرنګوالي په اړه معلومات ورکړل او ګډونوالو ته یې د ازموینې پروسې له روڼتیا څخه ډاډ ورکړ.
په دغې ازموینه کې د ګډون لپاره ۲۱۸ تنه په شرایطو برابر پېژندل شوي وو او له دغې جملې څخه د هغوی ۱۶۹ تنو په ازموینه کې ګډون وکړ او د یادو بستونو ترلاسه کولو لپاره یې په خپلو کې سیالي وکړه.