د عدلیې وزارت د رهبري شورا ناسته جوړیدل
د اسلامي امارت د عدلیې وزارت د رهبري شورا ناسته د صفرالمظفر د مياشتې په ۱۱مه نېټه د سهشنبې په ورځ د عدلیې وزارت د مسلکي معین، محترم شیخ الحدیث مولوي عبدالکریم حیدر په مشرۍ او د دغه وزارت د اداري معین، محترم مولوي عبدالغني فایق او مرکزي رئیسانو په ګډون جوړه شوه.
په دې ناسته کې د محکمو په غونډو کې د عدلیې وزارت د حقوقي مساعدینو او مدافع وکیلانو د ګډون، خلکو ته د خدماتو وړاندې کولو د پياوړتیا، په کاري چارو کې د اصولو او قوانینو د لاښه تطبیق او یو شمېر نورو اداري موضوعاتو په اړه بحث او د نظرونو تبادله وشوه.
په یاده ناسته کې پرېکړه وشوه چې خلکو ته د خدماتو وړاندې کولو بهیر دې له پخوا څخه ډېر پیاوړی شي او نورو اداري موضوعاتو دې د اړوندو ریاستونو په همغږۍ رسیدګي وشي.
