د عدلیې وزارت د رهبري شورا ناسته جوړیدل
د اسلامي امارت د عدلیې وزارت د رهبري شورا ناسته د روژې د مياشتې په ۱۰ مه نېټه د چهارشنبې په ورځ د عدلیې وزارت د مسلکي معین شیخ الحدیث مولوي عبدالکریم حیدر په مشرۍ او د یاد وزارت مالي او اداري معین مولوي عبدالغني فایق، مرکزي رئیسانو او نورو مسؤولینو په ګډون جوړه شوه.
په ياده ناسته کې د ځينو رياستونو د مخکني ادارې دمهرونو د ابطال، د کارمندانو د ارزوني فورم د ابلاغ او د عدلیې وزارت یو شمېر اداري موضوعات تر بحث او بررسۍ لاندې ونیول شوو.
په یاده ناسته کې پرېکړه وشوه چې په مرکز او د ولایتونو په عدلیې ریاستونو کې د تېرې ادارې مهرونه، لوګوګانې، او بیرقونه او زاړه مهرونه راټول کړل شي او په هیڅ صورت کې یې دستفادې اجازه نشته او وروسته به یې د ابطال په هکله اړين اقدام وشي. همدارنګه د کارمندانو لپاره ترتیب شوې د ارزونې فورمه د رهبرۍ شورا له خوا تائيد شوه او د نورو موضوعاتو په هکله هم لازم تصامیم ونیول شوو.
