د عدلیې وزارت د درېیو مرکزي ریاستونو نويو رئیسانو په خپل کار پیل وکړ
د عدلیې وزارت په وړاندیز او د افغانستان اسلامي امارت د ریاست الوزراء ستر مقام په منظورۍ سره د نوموړې وزارت د درېیو ریاستونو لپاره نوي رئیسان وګمارل شول، او په خپل کار یې رسماً پیل وکړ.
د ا.ا.ا د ریاست الوزراء ستر مقام د حکم پر بنسټ محترم شاه محمد سباوون د خوست ولایت د شیخ زاید پوهنتون د حقوقو او سیاسي علومو پوهنځی لیسانس د لومړۍ رتبې په بست کې د عدلیې وزارت د حقوقي مرستو د عمومي ریاست د رئیس په توګه، محترم مفتي صاحب نورالله د لومړۍ رتبې په بست کې د عدلیې وزارت د حقوق عمومي ریاست د رئیس په توګه او محترم مولوي صاحب عبدالمتین احمد د دویمې رتبې په بست کې د نوموړې وزارت د محکمو وروستنۍ او قطعي حکمونو د تطبیق او تنفیذ ریاست د رئیس په توګه وګمارل شول.
