د عدلیې وزارت د تقنین لوی ریاست د ۲ تشو بستونو د رقابتي آزموینې اخیستل
د اسلامي امارت د عدلیې وزارت د بشري سرچینو ریاست د ربیع الاول د میاشتې په ۲ نېټې د یکشنبې په ورځ د یاد وزارت د تقنین لوی ریاست د آزادې سیالۍ له لارې د ۲ تشو بستونو رقابتي آزموینه واخیستله.
په دغې آزموینې کې چې د عدليې وزارت په مقر کې جوړه شوې وه، د عدلیې وزارت د بشري سرچینو رئیس مولوي رحمت الله حلیم او د یاد وزارت نورو مسؤلینو حضور درلود او د آزموینې له بهیر څخه يې نظارت ترسره کړ.
د آزموینې په پیل کې د عدلیې وزارت د بشري سرچینو رئیس د آزموینې د ډول او د پوښتنو د څرنګوالي په اړه معلومات ورکړل او د آزموینې د پروسې له روڼتیا څخه یې برخه اخیستونکو ته ډاډ ورکړ.
په دغې آزموینې کې د ګډون لپاره ۳۳ تنه په شرایطو برابر پېژندل شوي وو او د هغوی ۲۷ تنو په آزموینې کې برخه واخیسته او د یادو بستونو ترلاسه کولو لپاره یې په خپلو کې رقابت ترسره کړ.
