د عدلیې وزارت استول شوي هیئت د جوزجان ولایت له عدلیې ریاست څخه لیدنه وکړه
د عدلیې وزارت استول شوي هیئت د عدلیې وزارت د حقوقي مساعدتونو لوی رییس مولوي رحمت الله حقاني په مشرۍ د شمال ولایتونو د عدلیې له ریاستونو څخه د لیدنې په لړ کې د ۱۴۴۴ کال د ربیع الثاني میاشت په ۱۹ نېټه د دوشنبې په ورځ د جوزجان ولایت له عدلیې ریاست څخه لیدنه وکړه.
ياد هیئت ددغه ریاست څخه د لیدنې پر مهال د جوزجان ولایت له عدلیې رییس مولوي محمد نظر فایق او ددغه ریاست له امرینو او کارکوونکو سره وکتل.
په دغې لیدنه کې د عدليې وزارت هیئت جوزجان ولایت ته ددغه هیئت د سفر موخه د عدليې ریاست د فعالیتونو او د کړنو بررسي، د هغوی د شکایتونو اوریدل او د وړاندیزونو ترلاسه کول وبلل، او په دغې برخه کې یې د عدلیې له رییس څخه د همکارۍ غوښتنه وکړه.
د جوزجان ولایت د عدلیې رییس یاد هیئت ته د ښه راغلاست ترڅنګ، ددغه ریاست د فعالیتونو او اجرااتو په اړه معلومات وړاندې کړل.
هغه زیاته کړه چې ددغه ولایت د عدلیې ریاست د فعالیتونو نظارت او ارزونه د چارو ښه والي او ستونزو ته د رسیدګۍ په برخه کې مهم او اغیزمن دي.
