د عدلیې وزارت استول شوي هیئت د بدخشان و لایت له عدلیې ریاست څخه لیدنه ترسره کړه
د هېواد شمال ولایتونو ته د عدليې وزارت استول شوي هیئت د دغه وزارت د حقوقي مساعدتونو رییس رحمت الله حقاني په مشرۍ د ربیع الثاني میاشت په ۷ نېټه د چهارشنبې په ورځ له غرمې څخه دمخه د بدخشان ولایت له عدليې رییس او د دغه ریاست له امرینو سره وکتل.
په دغې ناسته کې چې د بدخشان ولایت په عدلیې ریاست کې ترسره شوې وه، د یاد هیئت رییس مولوي رحمت الله حقاني د تېرو ۲۰ کلونو د انقلاب شهیدانو له پاره دعا وکړه او د مجاهیدینو فدارکاریو او سرښندنو ستاینه یې وکړه. دغه راز هغه د ریاست د رییس او امرینو ننګونې واوریدې او د دغو ستونزو د حل ژمنه یې وکړه.
په مخکني نظام کې د مدافع وکیلانو امر ښاغلي نویدالله ظاهري هم له یاد هیئت سره وکتل او د اړوندې څانګې ستونزې یې له هغوی سره شریکې کړې. نوموړي له یاد هیئت څخه وغوښتل چې د مدافع وکیلانو د کارونو د تنظیم او انسجام په منظور باید په دغه ولایت کې یو دفتر یا یو استازي وجود ولري. ترڅو د هغوی ارزونې او نورې ستونزې په همدغه ولایت کې حل شي.
یاد هیئت د همدغې ورځي په ماسپښین د دغه ریاست له کارکوونکو سره هم وکتل، په دغې کتنه کې مولوي رحمت الله حقاني د استقلال، ازادۍ، د اسلامي نظام د اهمیت، له امرینو څخه د اطاعت، له قومي ، ژبني، سمتي او تنظیمي تعصباتو د زیانونو او د مخنیوي په اړه خبرې وکړې او د دغه ریاست کارکوونکو ته یې توصیه وکړه چې خپل صورت او سیرت د اسلام له شریعت سره عیار کړي.
یاد هیئت په دوو بېلابېلو کمېټو ویشل شوی او د دغه هیئت لومړۍ کمېټې د مولوي رحمت الله حقاني په مشرۍ د ربیع الثاني میاشت په ۸ نېټه د پنجشنبې په ورځ د بدخشان ولایت له والي امان الدین منصور سره د والي د مرستیال، ښاروال، د کرنې رییس، د استخباراتو رییس، د مرافعې محکمې رییس، امنیه قوماندان او د د دغه ولایت د نورو مقاماتو په حضور سره د دغه ولایت د مقام په دفتر کې وکتل او خبرې يې وکړې.
په دغې ناسته کې مولوي رحمت الله حقاني د عدليې ریاست ستونزې او ننګونۍ د دغه ولایت له والي او مقاماتو سره شریکې کړې او له هغوی څخه یې وغوښتل چې له عدليې ریاست سره لا زیاته همکاري وکړي. وروسته د امارت د قضایاو د ریاست استازي عبداللطیف جهادیار د امارتي ځمکو د غصب د مخنیوي په اړه خبرې وکړي.
په دغې ناسته کې د بدخشان ولایت والي اړوندو رییسان د عدليې ریاست سره د همکارۍ له پاره وهڅول چې د یادو رییسانو له لورې په دغې برخه کې د همکارۍ ژمنه وشوه.
د عدلیې وزارت مالي او اداري رییس مولوي عبدالقادر شریفي په مشرۍ د دغه هیئت دوه یمې کمېټې د عدليې ریاست او اړوندو امریتونو فعالیتونه او کړنې وارزولې نیمګړیتاوې او کمښتونه یې په ګوته او د دغه ریاست کارکوونکو ته يې د موجودو نیمګړتیاو او ستونزو د حل له پاره لازمې لارښوونې وکړې.
