د عدلیې او د صنعت او سوداګرۍ وزارتونو او کسبګرو خونې ترمنځ د همغږۍ ناسته جوړیدل
د عدلیې او د صنعت او سوداګرۍ وازرتونو او کسبګرو خونې د ګډې کمېټي ناسته چې د یادې خونې د ستونزو د حل په موخه ټاکل شوې وه، د عدلیې وزارت په مقر کې جوړه شوه.
دغه ناسته د شوال د میاشتې په ۱۳ مه نېټه د دوشنبې په ورځ د عدلیې وزارت د انسجام عمومي رئیس مولوي حافظ عبدالصمد عمري په مشرۍ او د یاد ریاست د نورو مسؤولینو او د کمېټې د غړو په ګډون سره ترسره شوه.
په دغې ناسته کې د قانون له مخې د کسبګرو خونې صلاحيتونه او د دغې خونې قانون او اساسنامې په اړه بحث او خبرې وشوې.
د عدلیې وزارت د انسجام عمومي رئیس په ناسته کې وویل چې د ټولو ادارو موخه د افغانستان خلکو ته خدمت کول دي او د دغو ادارو ترمنځ د ستونزو پیدا کېدو لامل د همغږۍ نشتون دی.
په ورته مهال د صنعت او سوداګرۍ وزارت استازو شته ستونزې ومنلې او ټینګار یې وکړ چې دا ستونزې د همغږۍ او همکارۍ په صورت کې حل کېږي.
د عدلیې وزارت مسلکي معين شيخ عبدالکريم حيدر او د صنعت او سوداګرۍ وزارت مسلکي معين مولوي قدرت الله جمال له دې وړاندې د دواړو وزارتونو او کسبګرو خونې ترمنځ د شته ستونزو او نه همغږۍ د حل په موخه غونډه ترسره کړې وه چې په پايله کې یې یوه ګډه کمېټه د ستونزو د حل په موخه ټاکل شوې وه.
