د سرپل ولایت د ځمکو د غصب د مخنیوي د تخنیکي هیئت ناسته جوړه شوه
د سرپل ولایت د ځمکو د غصب د مخنیوي د تخنیکي هیئت ناسته د ۱۴۴۴ هجري قمري کال د شوال د میاشت په ۶ نېټه د چهارشنبې په ورځ د دغه هیئت د رئیس او غړو په حضور سره جوړه شوه.
په دغې ناسته کې، لومړی د تېرې ناستې پریکړو څخه بیا کتنه وشوه او په ۱۴۰۲ مالي کال کې د یاد هیئت د کاري بهیر د پيل د څرنګوالي په اړه بحث او د نظرونو تبادله ترسره شوه.
دغه راز په یاده ناسته کې د ناقلینو د ځمکو، ګوسفندي ولسوالۍ کې د ۵۲۲۸۷ جریبه ځمکې د غصب او د یاد هیئت د کاري پلان د ترتیب په تړاو د مرکزې کمېسیون څخه د استول شوي لیکوونو په اړه بحث او د نظرونو تبادله وشوه او دغې برخه کې لازم تصمیمونه ونیول شول.
په دغې ناسته کې، د راتلونکې اوونۍ د فعالیتونو له پاره هم مهال ویش جوړ شو.
