د سرپل ولایت د عدلیې ریاست اداري ناسته جوړیدل
د سرپل ولایت د عدلیې ریاست اداري ناسته، د ربیع الثاني د مياشتې په ۲۴ مه نېټه د یکشنبې په ورځ د عدلیې رئیس، مفتي کمال الدین فاضل په مشرۍ او د یاد ریاست د آمرینو او کارکوونکو په ګډون جوړه شوه.
په ياده ناسته کې د سرپل ولایت، عدلیې رئيس د یاد ریاست کارکوونکو ته د خپلو مسؤولیتونو د ترسره کولو، له مراجعینو سره د ښه چلند، وخت او حاضرۍ ته د پابندۍ، په جماعت سره د لمانځه د ادا کولو، د متقابل احترام او همکارۍ او نورو مواردو په اړه لازمې توصیې وکړې.
همدارنګه، د ناستې په ترڅ کې خلکو ته د خدمتونو وړاندې کولو لپاره د کارمندانو د اجراآتو نظارت په موخه یوه کمېټه هم رامنځته شوه.
