د دایکندي ولایت د ځمکو د غصب د مخنیوي د تخنیکي هیئت ناسته جوړه شوه
د دایکندي ولایت د ځمکو د غصب د مخنیوي د تخنیکي هیئت ناسته د هیئت د رئیس او غړو په حضور سره جوړه شوه او د ځینو مهمو موضوعاتو په اړه په کې بحث وشو.
په دغې ناسته کې تخنیکي هیئت د بند بورلان بازار د صنعتي ښارګوټي د دوه قطعو ځمکو په اړه بحث وکړ او پریکړه یې وکړه چې هیئت ساحه کې پر حضور سره هغه له نږدې څخه بررسي کړي.
یاده ناسته کې هیئت د بغده مرده کلي او دلدول کلي دوسیې بررسي کړې او پریکړه وشوه چې یادې دوسيې د نیمګړتیاو د حل له پاره ځمکو تخنیکي آمریت واستول شي.
د سل بستریز روغتون او د چو ښوونځي ترشا د اشخاصو په تصرف کې د ساحاتو موضوع هم بحث لاندې ونیول شوه او پریکړه وشوه چې ملي راډیو او نسیم راډیو ته لیک واستول شي او په هغه صورت کې چې د یوې اوونې په اوږدو کې اشخاص خپل دوسیه تعقیب نه کړي، د هغوی د کورونو د ویجاړولو په برخه کې به له ځانګړې محکمې څخه لارښوونه وغوښتل شي.
تخنکیي هیئت په یاده ناسته کې یو ټیم موظف کړ ترڅو د کمېسیون لخوا د رمکک کلي د مسترد شوې دوسیې نیمګړتیاوې د ۸ ورځو په ترڅ کې بشپړې کړي او راپور یې وړاندې کړي.
یو شمیر نور موضوعات هم چې نیمګړیتاوې یې درلودلې بررسي شوې او د هغو د نیمګړتیاو د حل په برخه کې لازمې لارشوونې وشوې.
