د جنوب ختیځ زون ولایتونو د عدلیې ریاستونو مسلکي غړو لپاره د شپږ ورځني زده کړییز سیمینار پای
زده کړییز شپږ ورځنی سیمینار چې د عدلي وزارت د بشري سرچینو د ریاست د ظرفیت لوړولو آمریت له لوري د جنوب ختیځ زون د ولایتونو عدلیې ریاستونو د امارت د قضایاو او د حقوقي مساعدتونو آمریتونو مسلکي غړو لپاره پکتیا ولایت کې جوړ شوی وو، د ربیع الاول د میاشتې په ۶ نېټې د پنجشنبې په ورځ پای ته ورسید.
په دغه سیمینار کې چې شپږو ورځو لپاره جوړ شوی وو، د خوست، غزني، پکتیکا او پکتیا ولایتونو د عدليې ریاستونو د امارت د قضایاو او حقوقي مساعدتونو آمریتونو ۲۷ تنو مسلکي غړو په کې برخه اخیستې وه او د ځمکو له غصب سره د مبارزې د حل لارو، د ځمکو د غصب د مخنیوي مقررې، دعوا او د هغې ډولونو، اداري مراسلاتو او پلان جوړونې په تړاو لازمې زده کړې ترسره کړې.
برخه اخیستونکو د یاد سیمینار له ترسره کوونکو څخه مننه او قدرداني څرګنده کړه او په راتلونکې کې هم د دغه راز برنامو د جوړیدلو غوښتونکي شول. دغه سیمینار په هغه کې د برخه اخیستونکو لپاره د تصدیق پاڼو په ویشلو سره پای ته ورسید.
