د تېرې یوې میاشتې په اوږدو کې په ۱۳ ولایتونو کې د څه باندې ۲۰ زره ۴۴۴ جریبه امارتي ځمکې استرداد
د ځمکو له غصب څخه د مخنیوي تخنیکي هیئتونو د ۱۴۴۶ هجري قمري کال د شعبان د میاشتې په اوږدو کې په ننګرهار، کندز، جوزجان، فاریاب، تخار، دایکندي، غور، خوست، نیمروز، پنجشیر، بادغیس، ميدان وردګ او باميان ولایتونو کې څه باندې شل زره څلور سوه څلور څلوېښت (۲۰۴۴۴) جریبه امارتي ځمکه له بررسۍ او تثبیت څخه وروسته، استرداد کړې او اړوندو ادارو ته یې تسلیم کړې.
د تېرې یوې میاشتې په ترڅ کې تر ټولو زیاته استرداد شوې ځمکه په بامیان ولایت کې موقعیت لري چې اته زره درې سوه يو پنځوس (۸۳۵۱) جریبه ځمکه پهکې شامله ده.
دغه راز د ځمکو له غصب څخه د مخنیوي تخنیکي هیئتونو د یادې میاشتې په اوږدو کې څه باندې دوه سوه دري پنځوس زره پنځه سوه یو دېرش (۲۵۳۵۳۱) جریبه امارتي ځمکه د افغانستان په ۲۴ ولایتونو کې تثبیت کړې او څه باندې څلور سوه اووه نوي زره نهه سوه څلور پنځوس (۴۹۷۹۵۴) جریبه نوره ځمکه هم په ۳۱ ولایتونو کې تر بررسۍ لاندې نیولې ده.
د امارتي ځمکو د بررسۍ، تثبیت او استرداد بهیر په ټولو ولایتونو کې دوام لري او د غصب شویو زرګونو جریبو امارتي ځمکو دوسیې، د ځمکو له غصب څخه د مخنیوي کمېسیون او په ولایتونو کې د یاد کمېسیون د تخنیکي هیئتونو تر بررسۍ لاندې دي.
