د تېرو څلورو میاشتو راهیسې د ننګرهار په عدلیې ریاست کې سلګونه عریضې او حقوقي دوسیې ثبت شوې دي
په تېرو څلورو میاشتو کې د ننګرهار په عدلیې ریاست کې ۴۵۰ عریضې چې حقوقي، تجارتي، پوریزې او کورنۍ دعوې په کې شاملې وې، ثبت شوې دي. او همدارنګه ۳۵ حقوقي دوسیې هم یاد ریاست ته راغلې دي.
په یادو عریضو کې ۲۵۱ املاکي، ۱۷۳ پوریزې، ۱۵ تجارتي او ۱۱کورنۍ دعوې شاملې دي، چې له دې جملې څخه تردې دمه ۱۲۵ دعوې اصلاح شوي،۱۱۰ یې بیا محکمې ته لېږدول شوي، ۶۰حفظ شوي او ۱۵۵ ترکار لاندې دي.
همدارنګه ۳۵ دوسیې هم یاد ریاست ته راغلې دي،چې دوه دوسیې د دواړو خواو په توافق سره تطبیق شوي او ۳۳ تر څېړنو لاندې دي.
په تېرو څلورو میاشتو کې ۱۳ جزایي او کورنۍ قضیې هم د یاد ریاست ـ د حقوقي مساعدینو آمریت ته راغلي دي او د کار لاندې دي او یادې ادارې ۴۲ تنو ته په مختلفو برخو کې حقوقي مشورې هم ورکړي او همدارنګه ۳۷۱ تنو ته يې د ننګرهار په محبس او د جلال آباد ښار په نورو سیمو کې د اسلامي شریعت، د امارت پالیسۍ او په اړوند نورو حقوقي موضوعاتو کې لارښوونې هم کړې دي.
د یادونې وړ ده چې د ننګرهار د عدلیې ریاست مسئولینو د استیناف محکمې په رهبرۍ ناستې هم تر سره کړې دي،تر څو په راتلونکي کې د مدني او کورنۍ قضایاوو په برخه کې د دوي تر منځ اړینې همکارۍ صورت ونیسي.
له بلې خوا د یاد ریاست د انسجام آمریت په لس ګونو خیریه بنسټونه، د معاملاتو د لارښوونو دفترونه او عریضه لیکونکي هم بررسي کړي دي او پدې لړ کې یې څلور خیریه بنسټونو، ۵۵ د معاملاتو د لارښوونو دفترونو او ۱۲۸عریضه لیکونکو ته نوي او تمدیدي جوازونه هم ورکړي دي.
همدارنګه یادې ادارې د ۱۷۰ د معاملاتوو د لارښوونو له دفترونو، ۴۰ خیریه بنسټونو او یو شمېر عریضه لیکونکو څخه هم لېدنه کړې، چې له دې جملې څخه یې ۵ د معاملاتو د لارښوونو دفترونه تړلي دي او د ۱۲۰ عریضه لیکونکو، چې قانوني جواز یې نه درلود، مخه یې نیولې ده.
