د تخار ولایت د ځمکو د غصب د مخنیوي د تخنیکي هیئت د ناستې جوړیدل
د تخار ولایت د ځمکو د غصب د مخنیوي د تخنیکي هیئت ناسته د شوال میاشت په ۱۳ نېټه د چهارشنبې په ورځ د هیئت د رئیس او غړو په حضور سره جوړه شوه او د یو شخص اړوند دوسیه چې د دغه هیئت بررسۍ لاندې وه، بحث لاندې ونیول شوه.
یاد هیئت، د یو بل شخص دوسیه هم بررسي کړه او له اړوندې ساحې څخه یې لیدنه وکړه او له کادستري نقشې سره سم، ۵ جریبه او ۵ بسواسې ځمکه یاد شخص ته په اجاره ورکړل شوه.
دغې ناسته کې یو شمېر عریضې او دوسیې مطالعه او بررسي شوې او پریکړه وشوه چې د نامکملو دوسیو په اړه باید استعلام ورکړل شي او یو شمېر دوسیې اړوندو مراجعو ته واستول شي او دغه راز پریکړه وشوه هغه دوسیې چې د ولسوالیو اړوند دي، د دعوا لاندې ساحو له لیدنې او د موضوع له کره ارزولو څخه وروسته وروستی تصمیم ونیول شي.
