د تخار ولایت د عدليې ریاست اداري ناسته جوړه شوه
د تخار ولایت د عدليې ریاست اداري ناسته د ربیع الاول میاشتې په ۱ نېټه د سه شنبې په ورځ د دې ولایت د عدليې ریاست رییس مولوي حکمت الله حکمت په مشرۍ او د عدليې ریاست د آمرینو او کارکوونکو په ګډون جوړه شوه.
د عدليې رییس په یاده ناسته کې د دندو او سپارل شوو چارو د ښو اجراآتو په اړه خبرې وکړې او د دغه ریاست له کارکوونکو څخه یې وغوښتل چې رسمي وخت ته پابنده اوسئ او خپلې حاضرۍ په ټاکل شوي وخت لاسلیک کړئ.
همدا راز نوموړي د دغه ریاست له کارکوونکو څخه وغوښتل چې خپلو دندو ته توجو وکړئ او ورسپارل شوې چارې په خپل ټاکل شوي ترسره کړئ.
د عدليې رییس په دغه ناسته کې د همکارانو ترمنځ د متقابل احترام په اړه ټینګار وکړ او ژمنه یې وکړه چې د حقوقو او د امارت د قضایاو آمریتونو وړاندیزونو ته به رسیده ګي وکړي.
د یادې ناستې په پای کې د دغه ریاست د کارکوونکو د فعالیتونو او خدمتونو ستاینه وشوه.
